|
Pejxeem Kev Koomteg
Thaum xaiv tau lawm, kuv yuav muaj kev qha rua pejxeem suavdlawg sis thaam txug tej dlejnum tseemceeb kws yuav tau ua sai-sai, homphaj rua pegsuab, teebmeem huv LHS, noj su huv tsev kawm ntawv, tsev kawm ntawv nyob ze vaaj tse rua cov mivnyuas tsib xyoo rov huv (neighborhood kindergarten), zejzog txuj kev xaav (community impact), haujlwm, se, hab lwmyaam teebmeem tseemceeb nyob huv peb lub nroog. Kuv yuav suav cov tub-ntxhais kawm ntawv, cov tuabneeg ua haujlwm hab cov tuabneeg them se rua huv kev txavtximsab ntawm puab cheebtsaam. Kuv yuav kaw tejyaam kev saablaaj kws tsi tseemceeb. Cov tuabneeg kws muaj cai xaiv yuavtsum tau paub hab txhawbzug kuas tuaj koom kuas tau.
Teg Dlejnum ntawm Phaab Nyaj-txag
Peb cheebtsaam siv cov tuabneeg them se tej nyaj rua tejyaam nuj nqe kevcai kws tsi tseemceeb (unnecessary legal expenses). Peb muaj peevxwm tshem tau tej nuj nqe kevcai hab kev has plaub ntug kws raug nyaj ntau-ntau lug ntawm ua rawsle txuj cai. Thaum xaiv tau lawm, kuv yuav tsi tsocai rua tejyaam kev paab ntawm phaab kevcai kws tsi tseemceeb. Kuv yuav has rua cov tsaavxwm huv tsev kawm ntawv hab cov tuabneeg ua haujlwm kuas puab qha cheebtsaam txug ntawm kev has plaub ntug hab tej nuj nqes plaub ntug (litigation and liability).
|
Noj Su huv Tsev Kawm Ntawv
Peb muaj ntau tsev tuabneeg kws ua haujlwm taabtom muaj teebmeem ntawm phaab nyaj-txag. Thaum xaiv tau lawm, kuv yuav tsim sai le kws sai tau kuas muaj zaub mov noj rua txhua cheebtsaam lug ntawm kev txhim khu NSLP. Txug thaum ntawm, kuv yuav txhawb paab yuav zaub mov rua cov tub-ntxhais kawm ntawv txomnyem rua huv peb tej tsev kawm ntawv kuas tsi txhob moog thov ntawm tej tsev muab zaub-mov (food pantries). (US Department of Agriculture yog tug paab nyaj-txag, tsi yog cov se huv tej tsev kawm ntawv. Cov tsev tuabneeg kws muaj peevxwm them taagnrho lawm yuav tsi tau txais kev paab nyaj-txag yuav zaub-mov).
Dlaabtsi ntxiv?
Tiv paib rua ntawm tej tog vaaj tog tsev, sis thaam txug cheebtsaam tsev kawm ntawm (school district). Xaivtsaa huv lub Plaubhlis tim 1 hab has kuas koj cov phoojywg tuaj xaiv! Koom nrug. Kuv tau kev paab-txhawb lug ntawm peb cheebtsaam tug tuabneeg ua haujlwm sawvcev hab Cov Tuabneeg huv lub Rooj Saablaaj AFSCME. Kuv thov mej txujkev paab-txhawb. Peb yuav muaj peevxwm ua tau tejyaam txawv.
|